ނޭޝަނަލް ސޯޝަލް ޕްރޮޓެކްޝަން ފްރޭމްވޯކްގައި ހުށަހަޅާފައިވާ ކަންކަން ތަންފީޛުކުރުމަށް މުއައްސަސާތަކުން ގުޅިގެން މަސައްކަތްކުރުމާ ގުޅޭ އެމް.އޯ.ޔޫއެއްގައި މިއަދު ޕެންޝަން އޮފީހުން ސޮއިކޮށްފިއެވެ. 

މިއެމް.އޯ.ޔޫގެ ދަށުން ނޭޝަނަލް ސޯޝަލް ޕްރޮޓެކްޝަން ފްރޭމްވޯކްގައި ހުށަހަޅާފައިވާ ކަންކަން ތަންފީޛުކުރުމަށްޓަކައި މަގުޗާޓެއް އެކުލަވާލުމުގެ މަސައްކަތުގެ އިތުރުން ތަންފީޒީ މަރުހަލާގެ އެންމެހާ މަސައްކަތްތަކުގައިވެސް ބައިވެރިވެ މައުލޫމާތާއި ތަޖުރިބާ ހިއްސާކުރުމަށް ވަނީ ހަމަޖެހިފައެވެ. 

ޕެންޝަން އޮފީހުގެ އިތުރުން މިއެމް.އޯ.ޔޫގައި ސޮއިކޮށްފައިވަނީ ނޭޝަނަލް ސޯޝަލް ޕްރޮޓެކްޝަން އޭޖެންސީ، މިނިސްޓްރީ އޮފް ފިނޭންސް، މިނިސްޓްރީ އޮފް އިކޮނޮމިކް ޑިވެލޮޕްމަންޓް، މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އަދި ލޯކަލް ގަވަރމަންޓް އޮތޯރިޓީއެވެ. 

މީރުމާގައި ބޭއްވި ހާއްސަ ހަފްލާއެއްގައި މިއެމް.އޯ.ޔޫގައި ސޮއިކުރައްވާފައިވަނީ ޕެންޝަން އޮފީހުގެ ފަރާތުން ޗީފް އެގްޒެކެޓިވް އޮފިސަރ، ސުޖާތާ ހަލީމާއި ނޭޝަނަލް ސޯޝަލް ޕްރޮޓެކްޝަން އޭޖެންސީގެ ފަރާތުން، ޗީފް އެގްޒެކެޓިވް އޮފިސަރ މަރިޔަމް ޝަފީގެވެ.